Ana səhifə Planet |
Şimali Koreya ən böyük heykəl istehsalçısı və ixracatçısıdır.
Axar.az-ın məlumatına görə, Afrika qitəsindən xeyli müştərinin olması Şimali Koreyaya pul axınına səbəb olur.
Şimali Koreya istənilən diktatorun nəhəng bürünc heykəlini hazırlaya bilər. Təki Mansuday İncəsənət Emalatxanasına sifariş edilsin.
"BBC Azərbaycanca" yazıb ki, bu emalatxana 1959-cu ildə yaradılandan bəri Şimali Koreyanın tükənmək bilməyən təbliğat ehtiyaclarını təmin edir. İstər nəhəng heykəllər, istərsə divar rəsmləri və ya freskalar olsun.
Emalatxananın 4 min işçisi var və paytaxt Pxenyanın göbəyində yerləşir. Onun işçiləri Anqola, Benin, Çad, Konqo Demokratik Respublikası, Ekvatorial Qvineya, Efiopiya və Toqodan sifarişlərin yerinə yetirilməsi ilə məşğuldurlar. Zimbabve lideri Robert Muqabenin iki nəhəng heykəli onun ölümünü gözləyir.
Seneqaldakı nəhəng Afrika İntibahı Abidəsini isə Mansuday işçiləri elə yerində işləyib hazırlayıblar. Bəzi təxminlərə görə, müəssisə ölkəyə on milyonlarla dollar gəlir gətirib.
Tarix
2016.02.20 / 00:28
|
Müəllif
Emil Salamoğlu
|