ABŞ Prezidenti Barak Obama rusiyalı həmkarı Vladimir Putinlə görüşərkən hansı hissləri keçirdiyini ictimaiyyətlə bölüşüb.

Axar.az xəbər verir ki, Ağ Ev rəhbəri Putinin çox nəzakətli və səmimi olduğunu deyib:

"Putin, əslində, bütün görüşlərimizdə çox nəzakətli və səmimi davranır. Danışıqlarımız da həmişə məhsuldar olur. Putin bəzilərinin etdiyi kimi məni heç vaxt iki saat gözlətməz. Bəzi amerikalıların düşündüyünün əksinə olaraq o, ABŞ-la əlaqələrə xüsusi önəm verir, bizimlə əməkdaşlıq etmək istəyir. Çünki Putin axmaq deyil. Rusiyanın dünyadakı mövqeyinin əhəmiyyətli dərəcədə zəiflədiyini hiss edir".