11:16

Nepalın "Saurya" Hava Yolları şirkətinə məxsus təyyarə Katmandunun Tribxuvana Beynəlxalq Hava Limanında qəzaya uğrayıb və yanıb.

Axar.az Oxu.az-a istinadla xəbər verir ki, təyyarədə 19 nəfər olub. Xilasedicilər təyyarədən 5 nəfərin cəsədini çıxarıblar. Təyyarənin kapitanı sağ qalıb və xəstəxanaya aparılıb.

Təyyarənin Katmandu-Pokxara reysi ilə uçduğu məlum olub. Yerli mətbuatın xəbərinə görə, təyyarədə aviaşirkətin əməkdaşları olub.

Yanğınsöndürənlər və təcili tibbi yardım maşınları hadisə yerindədir.

***

Hava limanının sözçüsü Subaş Jha 18 nəfərin cəsədinin tapıldığını, pilotun isə xəstəxanaya aparıldığını açıqlayıb.