2011-ci ildə Əl Qaidə lideri Üsamə bin Ladeni öldürən ABŞ Hərbi Dəniz Qüvvələrinin “SEAL 6” xüsusi təyinatlı dəstəsi Çinlə hərbi qarşıdurma zamanı Tayvana yardım missiyasına hazırlaşır.

Axar.az xəbər verir ki, bu barədə “Faynənşl Tayms” mənbələrə istinadla məlumat yayıb.

“SEAL 6” heyəti ABŞ ordusunda ən elit birinci səviyyəli qüvvədir. Onun fəaliyyəti ciddi şəkildə gizli saxlanılır, buna görə də mənbələr heyətin Tayvandakı missiyasının təfərrüatını təqdim etməyib”, - məlumatda qeyd olunub.

Bildirilib ki, dəstə Virciniyadakı qərargahında bir ildən artıqdır ki, Tayvan münaqişəsi üçün planlaşdırma aparır və hazırlıq görür.