17:07

İsrailin Livanın şimalındakı Eyto yaşayış məntəqəsində yaşayış binasına endirdiyi hava zərbəsi nəticəsində ən azı 18 nəfər həlak olub.

Axar.az xəbər verir ki, bu barədə Livan Qızıl Xaç Cəmiyyətinin X sosial şəbəkəsində məlumat verilib.

Qeyd olunub ki, Livanın cənubundan olan qaçqınların məskunlaşdığı evə raket zərbələrinin endirilməsi nəticəsində daha 4 livanlı yaralanıb. Xilasedicilər dağıntıları təmizləməyə davam edir, ölən və yaralananların sayı arta bilər.

***

İsrailin son bir ildə ilk dəfə Livanın şimalına - əsasən xristianların yaşadığı əraziyə endirdiyi zərbə nəticəsində ölənlərin sayı 21 nəfərə çatıb.

Bu barədə Livan Qırmızı Xaç Cəmiyyəti məlumat yayıb.

Qeyd edək ki, ŞAXAL-ın Livandakı əməliyyatlarının əsas hədəfi ölkənin cənubu, şərqdə Bekaa vadisi və Hizbullah qruplaşmasının məskunlaşdığı Beyrutun cənub ətrafları olub.

Beyrutdan təxminən 100 kilometr şimalda, Hizbullahın əsas təsir zonalarından uzaqda yerləşən kəndə hücum məcburi köçkün ailələrinə kirayə verilən yaşayış binasına dəyib.