Livan hökuməti İsrailin təcavüzünü dayandırmaq və sərhəddə sabitliyi bərpa edəcək BMT Təhlükəsizlik Şurasının 1701 saylı qətnaməsinin icrasına nail olmaq üçün hər şeyi edir.

Axar.az xəbər verir ki, bu barədə Livanın Baş naziri Nəcib Mikatinin İsrailin PUA zərbəsi nəticəsində Livan ordusunun üç əsgərinin öldürülməsindən sonra X-də dərc olunan bəyanatında deyilir.

Bildirilir ki, Mikati ordu komandiri Cozef Aunla əlaqə saxlayıb və onun vasitəsilə həlak olan əsgərlərin yaxınlarına başsağlığı verib. Hökumət başçısı qeyd edib ki, 2023-cü ilin oktyabrında ölkənin cənubunda hərbi eskalasiya başlayandan bəri Livan qüvvələri 36 əsgər və zabitini itirib.