Avropa ölkələri Kiyevi Rusiya ilə uzunmüddətli qarşıdurmada dəstəkləyə və ona qarşı “tükəndirmə müharibəsi” apara bilməyəcək.

Axar.az xəbər verir ki, bunu Ukraynanın Böyük Britaniyadakı səfiri, Ukrayna ordusunun sabiq baş komandanı Valeri Zalujnı deyib.

“Hava hədəflərinin sayı artır, ancaq döyüş vasitələrinin sayı məhdud və çox bahadır. Hətta bu göstəricilərə, məncə, nə İngiltərə, nə də digər Avropa ölkələri hazırdır. Mükəmməl hava hücumundan müdafiə imkanlarına malik kifayət qədər F-16 təyyarələrinin olmasına baxmayaraq, hava hücumundan müdafiə sistemi ehtiyatı 2-3 aya tamamilə tükənə bilər”, - o bildirib.