Cənubi Koreya Nazirlər Kabinetinin bütün üzvləri hərbi vəziyyətdən sonra baş nazirə istefa vermək niyyətində olduqlarını bildiriblər.

Axar.az xəbər verir ki, bu barədə “Çosun İlbo” qəzeti məlumat yayıb.

Baş nazirin ofisi məlumatı təsdiqləyib:

“Lakin buna yerli vaxtla saat 14:00-da keçiriləcək iclasdan sonra qərar veriləcək. İclasda hakim Vətəndaş Hakimiyyəti Partiyasının rəhbərliyi və prezidentin köməkçiləri hərbi vəziyyəti müzakirə etməyi də planlaşdırır”.

Qeyd edək ki, Cənubi Koreya Prezidenti Yun Sok Yol Şimali Koreyanın ölkənin daxili işlərinə müdaxiləsinin qarşısını almaq və konstitusiya quruluşunu qorumaq üçün hərbi vəziyyət elan etmişdi. Ancaq müxalifət və xalqın tələbi ilə hərbi vəziyyət rejimi ləğv edilib.