Ukraynanın keçmiş xarici işlər naziri Dmitri Kuleba Harvard Universitetində işə düzəlib.

Axar.az xəbər verir ki, bu barədə RBK məlumat yayıb.

Məlumata görə, o, Con F.Kennedi adına idarəetmə məktəbinin nəzdindəki Robert və Rene Belfer Elm və beynəlxalq əlaqələr mərkəzinin baş elmi işçisi olub:

“Universitetdə Kuleba öz nəslinin ən nüfuzlu diplomatlarından biri adlandırılıb. Yeni işində keçmiş nazir avtokratiyalara qarşı mübarizə və davamlı beynəlxalq koalisiyalar yaratmaq strategiyalarını araşdıracaq. Onun fəaliyyəti diplomatiya, təhlükəsizlik və davamlılığın kəsişməsində olan mövzularla bağlı olacaq”.