Aktau yaxınlığındakı təyyarə qəzasının araşdırılması üzrə komissiyanın statusu artırılıb.

Axar.az xəbər verir ki, bunu hökumət komissiyasına rəhbərlik edən Qazaxıstan Baş nazirinin müavini Kanat Bozumbayev deyib.

Baş nazirin müavini qeyd edib ki, bundan sonra komissiyaya nəqliyyat naziri Marat Karabayev rəhbərlik edəcək:

"Yəni biz bununla komissiyanın statusunu nazir səviyyəsinə qaldırırıq”.

Qeyd edək ki, 25 dekabrda Bakı-Qroznı reysini həyata keçirən AZAL təyyarəsi Qroznı səmasında Rusiya HHM sistemləri tərəfindən vurulub və ciddi zədə alıb. Enişinə icazə verilmədiyindən Aktauya istiqamət götürən təyyarə Aktau hava limanı yaxınlığında qəzaya uğrayıb. Qəza nəticəsində göyərtədə olan 67 nəfərdən 38-i həlak olub, 29 nəfər sağ qalıb.

Hadisə ilə bağlı Rusiya lideri Vladimir Putin Prezident İlham Əliyevə zəng edərək, üzr istəyib.