Livan və Suriya hərbçiləri arasında atışma baş verib.

Axar.az xəbər verir ki, bu barədə Livan ordusundan məlumat verilib.

“Livan hərbçiləri Suriya sərhədindəki Maarbun-Balbek rayonundakı qanunsuz keçid məntəqəsini bağlamağa çalışıblar. Bu zaman suriyalı hərbçilər onlara mane olaraq, buldozerin köməyi ilə keçidi açmaq istəyiblər. Livanlı hərbçilərin havaya xəbərdarlıq atəşinə suriyalılar birbaşa atəşlə cavab veriblər və nəticədə bir Livan hərbçisi yaralanıb”, - məlumatda qeyd olunub.

Livan ordusundan daha sonra bildirilib ki, suriyalıların hərbi hissəni atəşə tutması nəticəsində daha 4 hərbçi yaralanıb.