Ukrayna ordusu Kurskda hücum zamanı Rusiya dronlarına qarşı yeni radioelektron mübarizə vasitələri (REM) tətbiq edir.

Axar.az xəbər verir ki, bu barədə Rusiya hərbi Teleqram kanalları məlumat yayıb.

“Rusiyalı hərbçilər REM-in tətbiqindən şikayət edirlər. Çünki yeni sistem çox güclü və keyfiyyətli işləyir və dronların görüntülərini pozur”, - məlumatda qeyd olunub.

Hətta Ukrayna texnikasını vurmaq istəyən dronların REM tərəfindən zərərsizləşdirilməsi görüntüləri də yayılıb.

Qeyd edək ki, Ukrayna ordusunun Kurskda yeni hücuma başladığı, radioelektron mübarizə sistemləri ilə ərazini blokladığı, ona görə də Rusiya pilotsuz təyyarələrinin yararsız olduğu bildirilmişdi.