Türkiyənin hərbi gəmi inşası və xarici ölkələrə, o cümlədən Pakistan və Ukraynaya gəmi satışı Yunanıstan mətbuatında böyük narahatlıq yaradıb.

Axar.az xəbər verir ki, yunan mətbuatı bunu Yunanıstan üçün böyük təhlükə adlandırıb.

Türkiyənin MİLGEM layihəsi çərçivəsində bir sıra gəmi inşa etdiyini bildirən mətbuat 60 min ton yükgötürmə qabiliyyəti olan yeni aviadaşıyıcı inşasının da planlaşdırıldığını yazıb.

Qeyd olunub ki, Türkiyənin dənizdəki gücünü artırması bölgədəki tarazlığı dəyişəcək.

“Türkiyə yerli silah sistemləri ilə təchiz etdiyi gəmi və sualtı qayıqların istehsalında müdhiş sürətlə irəliləyir. Bu vəziyyət Yunanıstan üçün böyük problemlərə yol açacaq”, - mətbuat yazıb.