Almaniyanın xarici işlər naziri Annalena Brrbok kansler Olaf Şoltsla şəkil çəkdirməkdən imtina edərək kabinet iclasını tərk edib. Buna səbəb sonuncunun Ukraynaya yeni yardım paketini əngəlləmək qərarıdır.

Axar.az xəbər verir ki, bu barədə “Bild” məlumat yayıb.

Məqalədə Şoltsun nazirin otaqdan çıxmasına mane olmağa çalışdığı, lakin buna nail ola bilmədiyini göstərən foto yer alıb.

Bildirilib ki, Berbok və Almaniya müdafiə naziri 2024-cü ilin noyabrında hakim koalisiyanın dağılmasından sonra Kiyevə 3 milyard avroluq hərbi yardımın yeni tranşı üzərində işləməyə başlayıblar. Lakin Şolts buna mane olub.

Berbak daha sonra bununla bağlı ZDF-ə açıqlamasında deyib ki, foto yanlış şərh edilib. Onun sözlərinə görə, şəkil anidən çəkilib və o, kanslerin ona uzanan əlini görməyib.

Bundan başqa, Berbok həmin an heç yerə getmədiyini bildirib:

“Baxmayaraq ki, fotoda göründüyü kimi, arxamda nə baş verdiyini hiss etməmişəm, amma buradan belə çıxır ki, guya mən əl sıxmıram. Lakin arxanı görməmişəm. Hər bir insan kimi mənim də başımın arxasında gözüm yoxdur”.