ABŞ-ın İrana hücumuna cavab olaraq İran böyük ehtimalla regionda enerji infrastrukturunu məhv etməyə çalışacaq. Xüsusilə Tehran qlobal neft tədarükünü pozarsa, bu, Qərbdə ciddi iqtisadi böhrana səbəb ola bilər.

Axar.az xəbər verir ki, bu sözləri erməni mediasına geniş müsahibəsində diplomat, Rusiya-ABŞ prezidentlərinin ikitərəfli əməkdaşlığın inkişafı komissiyasında ABŞ tərəfindən təmsil olunan sabiq müşavir Ceyms Karden deyib.

“Tramp yəqin ki, bu riskləri dərk edir. O özünü təcrübəli iş adamı hesab edir və bunun mümkün iqtisadi nəticələrini anlayır. Bilir ki, yüksək inflyasiya onun yenidən vəzifəyə qayıtmasına kömək edən əsas problem idi. İranla gərginliyin artması, xüsusən də enerji qiymətlərinin yüksəlməsinə və ya daha geniş iqtisadi böhrana səbəb olarsa, siyasi və iqtisadi baxımdan riskli olardı”, - o bildirib.