Fransa Prezidenti Emmanuel Makron yanvarın 20-də Donald Trampın Ağ Evə qayıdışı ilə əlaqədar Fransa ordusu qarşısında çıxışı zamanı Avropanı ayılmağa və müdafiəyə daha çox pul xərcləməyə çağırıb.

Axar.az xəbər verir ki, bu barədə “Le Monde” məlumat yayıb.

"Amerikalı müttəfiqimiz Aralıq dənizindən hərbi gəmilərini geri çəksə, nə edəcəyik?" - Makron bildirib.

Fransa prezidenti xəbərdarlıq edib ki, Ukraynadakı müharibə sabah və ya o biri gün bitməyəcək: “Gəlin, özümüzü aldatmayaq”.

O, Avropaya öz müdafiəsi üçün daha çox məsuliyyət daşımaq çağırışını təkrarlayıb:

“Avropalılar olmadan Avropada sülh və təhlükəsizlik ola bilməz”.