Ukraynada müharibənin dayandırılması ilə bağlı danışıqlardan imtina etsə, Rusiyaya yeni sanksiyaların tətbiq ediləcəyi ehtimalı çox böyükdür.

Axar.az xəbər verir ki, bunu ABŞ Prezidenti Donald Tramp Ağ Evdə jurnalistlərə açıqlamasında deyib.

Tramp bildirib ki, tezliklə Rusiya Prezidenti Vladimir Putinlə danışmağı gözləyir və Rusiya tərəfi istədiyi zaman onunla görüşməyə hazırdır:

“Ukrayna Prezidenti Vladimir Zelenski sülh istəyir, amma tanqo üçün iki nəfər lazımdır. Görək nə alınacaq”.

Tramp eyni zamanda Putini ağıllı hesab etdiyini deyib.

ABŞ prezidenti Ukraynaya hərbi yardımı davam etdirəcəyini də istisna etməyib.