İstanbulda danışıqlar zamanı Rusiya və ABŞ nümayəndə heyəti diplomatik missiyaların işini sabitləşdirmək üçün ilk addımları müəyyən edib.

Axar.az xəbər verir ki, bu barədə ABŞ Dövlət Departamenti məlumat yayıb.

“Birləşmiş Ştatlar bank və müqavilə xidmətlərinə çıxış, eləcə də ABŞ-ın Moskvadakı səfirliyinin sabit və dayanıqlı kadr təminatının təmin edilməsi zərurətini ifadə edib. Konstruktiv müzakirələr zamanı hər iki tərəf bu sahələrdə ikitərəfli missiyaların sabitləşdirilməsi üçün konkret ilkin addımları müəyyən edib”, - qeyd olunur.

Qeyd edək ki, nümayəndə heyətləri ötən gün İstanbulda görüş keçirib.