Fransa Prezidenti Makrondan fərqli olaraq Napoleon və Hitler birbaşa Rusiyaya qarşı döyüşmək istədiklərini bildiriblər.

Axar.az xəbər verir ki, bunu Rusiya xarici işlər naziri Sergey Lavrov deyib.

Onun sözlərinə görə, Makron Rusiya Prezidenti Vladimir Putinə zəng edəcəyini dəfələrlə bildirsə də, heç vaxt bunu etməyib:

“Rusiyaya qarşı döyüşmək istəyən sələflərindən fərqli olaraq, cənab Makron çox da yaxşı davranmır, çünki onlar birbaşa deyirdilər: biz Rusiyanı fəth etmək istəyirik, Rusiyanı məğlub etməliyik. O, görünür, eyni şeyi istəyir, amma nədənsə deyir ki, biz Rusiya ilə mübarizə aparmalıyıq ki, Fransanı məğlub etməsin, Rusiya Fransa və Avropa üçün təhlükə yaradır”.