ABŞ-ın vitse-prezidenti Ceyms Devid Vensin dayısı oğlu Neyt Vens Ukrayna tərəfində döyüşüb.

Axar.az xəbər verir ki, bu barədə Neyt Vens Fransanın “Le Fiqaro” qəzetinə deyib.

Nəşr bildirib ki, Neyt Vens 18 yaşından 22 yaşına qədər Dəniz Piyadalarında xidmət edib və sonra neft şirkətində işləyib. O, Texas ştatının San Antonio şəhərində yaşayır.

Ukraynada hərbi əməliyyatlar başlayandan sonra Vens Lvova gəlib və könüllü kimi qeydiyyatdan keçib:

“Qarşımda tarixin yazıldığını gördüm, onun bir parçası olmaq istədim”.

Vens dayısı oğlunun vitse-prezident kimi and içməsinə günlər qalmış, 2025-ci ilin yanvarında Ukrayna ordusunu tərk etmək qərarına gəlib. O etiraf edib ki, Ceyms Devid Vensin və Prezident Donald Trampın Ukrayna lideri Vladimir Zelenski ilə söhbətini görəndə məyus olub.