ABŞ rəsmiləri avropalı həmkarlarına bildiriblər ki, Ukraynakı nizamlanma ilə bağlı istənilən razılaşmada AB iştirak etməlidir.

Axar.az xəbər verir ki, bu barədə “Blumberq” mənbələrə istinadən məlumat yayıb.

“Vaşinqton hesab edir ki, AB-nin Ukrayna danışıqlarında iştirakı zəruridir, çünki Rusiya saziş çərçivəsində Birliyin tətbiq etdiyi sanksiyaların aradan qaldırılmasını istəyir. ABŞ rəsmiləri bu yaxınlarda avropalı həmkarlarına çatdırdılar ki, prioritet münaqişə zonasında atəşkəsə nail olmaq və bundan sonra Ukrayna üçün mümkün təhlükəsizlik təminatları kimi məsələləri müzakirə etməkdir”, - mənbə bildirib.

Nəşrin mənbəsi qeyd edib ki, bu, Amerika hakimiyyətinin Avropa liderlərinin iştirakı olmadan saziş bağlamağa cəhd edəcəyindən ehtiyat edən ABŞ müttəfiqlərini müəyyən dərəcədə sakitləşdirə bilər.