20:56

ABŞ Prezidentinin milli təhlükəsizlik üzrə müşaviri Mayk Uolts rusiyalı həmkarı Yuri Uşakovla telefon danışığı aparıb.

Axar.az xəbər verir ki, bu barədə Uolts özü məlumat yayıb.

O bildirib ki, ABŞ və Rusiya nümayəndə heyətlərinin növbəti görüşünün Səudiyyə Ərəbistanının paytaxtı Ər-Riyadda keçirilməsi ilə bağlı razılığa gəliblər:

“Mən bu gün rusiyalı həmkarım Yuri Uşakovla Prezident Trampın Ukraynadakı müharibəyə son qoymaq səyləri barədə danışdım. Biz razılaşdıq ki, texniki qruplarımız yaxın günlərdə Ər-Riyadda görüşəcək, diqqəti Prezident Trampın Rusiyadan əldə etdiyi qismən atəşkəsin (Ukrayna və Rusiyanın bir-birinin enerji unfrastrukturuna bir ay müddətinə zərbə endirməməsi barədə razılaşma – red.) tətbiqi və genişləndirilməsinə yönəldəsək”.

Qeyd edək ki, ABŞ Prezidentinin xüsusi nümayəndəsi Stiven Uitkoff görüşün Ciddədə olacağını demişdi.