ABŞ Prezidenti Donald Tramp cümə günü Oval kabinetdə jurnalistlərlə ünsiyyəti zamanı ən azı doqquz yalan bəyanat verib.

Axar.az xəbər verir ki, bu barədə CNN məlumat yayıb.

Məlumata görə, bu bəyanatlar ABŞ-da 2024-cü ilin noyabrında keçirilən seçkilərin nəticələri, Ukraynaya yardım, miqrasiya və Çin və Kanada ilə ticarət balansı kimi əsas məsələlərə dair şişirdilmiş rəqəmləri əhatə edib.

Telekanalın bildirdiyinə görə, Tramp seçkilərdə "80 milyondan bir qədər çox" səs topladığını iddia edib, halbuki rəsmi nəticələr onun təxminən 77,3 milyon seçici tərəfindən dəstəkləndiyini göstərir.

CNN-in məlumatına görə, prezident ABŞ-ın Çinlə ticarət balansı kəsirinin 1 trilyon dolları keçdiyini iddia edib, lakin əslində bu göstərici 2024-cü ildə 263,3 milyard dollar təşkil edib. Oxşar yanlış məlumatlar Kanada ilə bağlı da verilib – Tramp bu ölkə ilə ticarət kəsirinin 200 milyard dollar olduğunu söyləsə də, real rəqəm 35,7 milyard dollardır.