Avropa Birliyinin ABŞ Prezidenti Donald Trampın tətbiq etdiyi tariflərə cavab vermək üçün güclü planı var.

Axar.az xəbər verir ki, bu sözləri Avropa Komissiyasının sədri Ursula fon der Leyen deyib.

Avropa Parlamentində danışan Leyen tariflərə məruz qalacaq növbəti sektorların yarımkeçiricilər, əczaçılıq məhsulları və taxta olacağını söyləyib.

O bildirib ki, avropalılar ABŞ-ın bəyanatlarından tamamilə məyusdur:

“Bu qarşıdurmaya Avropa başlamadı. Biz mütləq şəkildə cavab tədbirləri görmək istəmirik, amma məcbur olsaq, güclü cavab planımız var və ondan istifadə edəcəyik”.

Qeyd edək ki, ABŞ 3 apreldən avtomobillərə idxal rüsumları tətbiq edəcəyini elan edib. Martda alüminium və polada analoji tariflər tətbiq edilmişdi.