Böyük Britaniyanın Baş naziri Keyr Starmer Rusiyadan Ukraynadakı münaqişəni dərhal dayandırmağı tələb edib.

Axar.az xəbər verir ki, bu barədə o, X sosial şəbəkəsində yazıb.

Siyasətçi Suma edilən hücumdan hiddətləndiyini bildirib.

Eyni zamanda o, Ukrayna lideri Vladimir Zelenskinin artıq sülhə sadiqliyini nümayiş etdirdiyi qənaətində olduğunu vurğulayıb.

"Putin indi heç bir şərt olmadan tam və dərhal atəşkəsə razılaşmalıdır”, - Starmer qeyd edib.

Qeyd edək ki, bu gün Rusiya Ukraynanın Sum şəhərinə raket zərbələri endirib. İndiyə qədər olan məlumata görə, zərbələr nəticəsində 31 nəfər ölüb, 84 nəfər isə yaralanıb.