14:36

Əfsanəvi boksçu Məhəmməd Əli ilə vida mərasimi Luisvill şəhərində keçiriləcək.

Axar.az xəbər verir ki, vida mərasimi üçün seçilən şəhər Məhəmməd Əlinin anadan olduğu şəhərdir (Kentukki ştatı).

Məhəmməd Əlinin ailə üzvlərinin verdiyi məlumata görə, əfsanəvi boksçu iyunun 10-da torpağa tapşırılacaq.

Mərasimdə ABŞ-ın sabiq prezidenti Bill Klinton da iştirak edəcək. Vida mərasiminin internet vasitəsilə canlı yayımlanacağı bildirilir.

Xatırladaq ki, 1942-ci il yanvar ayının 17-də anadan olan "Bütün zamanların ən yaxşı boksçusu" titullu Məhəmməd Əli bu gün dünyasını dəyişib. O, iki gün əvvəl tənəffüs sistemində yaranan problemlə bağlı Arizona ştatının Feniks şəhər xəstəxanasına yerləşdirilmişdi.

1984-cü ildən parkinson xəstəliyindən əziyyət çəkən Məhəmməd Əli peşəkar karyerası ərzində 37-si nokautla olmaqla, 56 döyüşdə rinqi qələbə ilə tərk edib. O, keçirdiyi 61 döyüşün yalnız 5-də məğlubiyyətə uğrayıb.

1999-cu ildə "Əsrin idmançısı" seçilib.