09:24

ABŞ-ın Yəmənə endirdiyi hava zərbələri nəticəsində azı 38 nəfər ölüb, 102 nəfər yaralanıb.

Axar.az xəbər verir ki, bu barədə “Əl Masirah” telekanalı məlumat yayıb.

Məlumata görə, Hüdeyda əyalətinin Qırmızı dəniz sahilində yerləşən və neft terminalının olduğu Ras-İsa limanı cümə günü gecə havadan hücuma məruz qalıb. Orada böyük yanğın baş verib.

ABŞ Hərbi Hava Qüvvələri ən azı 14 zərbə endirib və bu zərbələr həkimlər, eləcə də mülki müdafiə personalı partlayış yerinə gəldikdən sonra da davam edib. Tibb işçiləri arasında da ölənlər var.

***

ABŞ-ın Yəməndəki Ras-İsa limanına endirdiyi zərbələr nəticəsində ölənlərin sayı 74 nəfərə çatıb.

Bu barədə husilərin Səhiyyə Nazirliyi məlumat yayıb.

Bundan əlavə, 170-dən çox insanın xəsarət aldığı bildirilir.