Təl-Əviv ABŞ Prezidenti Donald Trampın birbaşa təsdiqi və dəstəyi olmadan İranın nüvə infrastrukturuna zərbə endirməyə cəsarət etməyəcək.

Axar.az xəbər verir ki, bu barədə “Faynənşl Tayms” qəzeti İsrail və ərəb diplomatlarına istinadən məlumat yayıb.

Mənbə bildirib ki, İsrail Trampı qəzəbləndirmək və dəstəyini itirmək qorxusu ilə Ağ Evin dəstəyi olmadan hərbi əməliyyatlardan çəkinəcək:

“Həmçinin İsrail ABŞ-ın iştirakı olmadan İrana öz zərbələrinin çox məhdud təsir göstərəcəyini bilir. Trampın özü də hazırda diqqətini İranın nüvə proqramı ilə bağlı məsələlərin həlli üçün diplomatik yollar axtarmağa cəmləyib. ABŞ prezidenti İsrailin Baş naziri Benyamin Netanyahunun Vaşinqtondan daha qəti və aqressiv addım atması üçün təzyiqinə müqavimət göstərir. Netanyahu hələ prezidentin andiçmə mərasimindən əvvəl Trampı İranın nüvə obyektlərinə hərbi zərbələri dəstəkləməyə inandırmağa çalışsa da, heç vaxt istənilən nəticəni əldə edə bilməyib”.