Əlbəttə, Rusiyaya getməyi xoşlayıram. Hətta Yakutskda da olmuşam. Həmçinin Moskvada, Sankt-Peterburqda, Kazanda, Soçidə də olmuşam. Rusiya inanılmaz təbii müxtəlifliyə və mədəni zənginliyə malik nəhəng ölkədir.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğanın oğlu, Dünya Etnoidman Konfederasiyasının rəhbəri Bilal Ərdoğan TASS-a müsahibəsində deyib.

Ərdoğan bildirib ki, Rusiya Federasiyasının mətbəxi müxtəlifdir, çünki Rusiyada çoxlu etnik qruplar və mədəniyyətlər var:

“Buna görə də mətbəx zəngindir və mənim çox xoşuma gəlir. Bundan əlavə, Rusiyada bir çox türk xalqı yaşayır və onların bir çox cəhətdən bizə yaxın və tanış olan kulinariya ənənələri rus mətbəxinə daxil olub”.