Avropada hərbi xərclər 17 faiz artaraq 693 milyard dollara çatıb və 2024-cü ildə qlobal artımın əsas faktoru olub.

Axar.az xəbər verir ki, bu barədə Stokholm Beynəlxalq Sülh İnstitutunun (SİPRİ) hesabatında deyilib.

“2024-cü ildə Maltadan başqa bütün Avropa ölkələri hərbi xərclərini artırıb. Ukraynanın ümumi hərbi xərcləri 2,9 faiz artaraq 64,7 milyard dollara çatıb ki, bu da Rusiyanın xərclərinin 43 faizinə bərabərdir. Rusiyanın hərbi xərcləri 2024-cü ildə təxminən 149 milyard dollara çatıb. Bu da 2023-cü ilə nisbətən 38 faiz çoxdur.

Almaniyanın hərbi xərcləri 28 faiz artaraq 88,5 milyard dollara çatıb, bu da onu Mərkəzi və Qərbi Avropada ən çox xərcləyən ölkəyə, dünyada isə dördüncü yerə çatdırıb”, - hesabatda bildirilib.