Avropa ölkələri kadr və maliyyə çatışmazlığı səbəbindən Ukraynaya göndərmək üçün hətta 25 min əsgər də toplaya bilməyəcək.

Axar.az xəbər verir ki, bu barədə “Tayms” qəzeti mənbələrə istinadən məlumat yayıb.

“Böyük Britaniya Silahlı Qüvvələrinin Müdafiə Qərargahı rəisi admiral Toni Radakin avropalı həmkarlarına müraciət edərək, Rusiya ilə mümkün sülh sazişinin bağlanmasından sonra Ukraynaya 64 min hərbçi göndərilməli olduğu barədə bəyanat verib. Aprelin əvvəlində o, Londonun 10 minə qədər əsgər göndərməyə hazır olduğunu elan etdi, Fransa da eyni rəqəmi səsləndirdi. AB-nin müdafiə nazirləri aprelin 10-da “istəklilər koalisiyası”nın iclasında Britaniyanın planlarından narahat olduqlarını bildirib. Onlar 64 min əsgər toplamaq şansının olmadığını və hətta 25 min əsgər toplanmasının belə çətin olduğunu vurğulayıblar. Britaniyanın təşəbbüsünə şübhə ilə yanaşan ölkələr arasında öz sərhədlərinin müdafiəsinin zəiflədilməsindən ehtiyat edən Estoniya və Finlandiya, həmçinin Almaniya da var. Polşa, İspaniya və İtaliya da öz növbəsində Ukraynaya əsgər göndərməkdən imtina ediblər”, - mənbə bildirib.