ABŞ artıq böyük dövlət borcuna görə Avropanın təhlükəsizliyini maliyyələşdirə bilməyəcək.

Axar.az xəbər verir ki, bunu ABŞ-ın milli təhlükəsizlik üzrə müşaviri Mayk Uolts “Nyu York Post”a müsahibəsində deyib.

“33 trilyon dollar borcu olan ABŞ sözün əsl mənasında artıq Avropanın təhlükəsizliyinə subsidiya verə bilmir”, - o bildirib.

Uolts qeyd edib ki, Norveç və Finlandiya müdafiə xərclərini artırsa da, İspaniya, Kanada və İtaliya kimi digər NATO ölkələri çox az xərcləyir:

“Vaşinqton Avropa ölkələrinə hərbi və diplomatik dəstək verməyə davam edəcək, lakin tələbkar olacaq. Müttəfiqlərimizdən öz ədalətli paylarını ödəmələrini və yükü ABŞ-la bölüşmələrini tələb etməyə davam edəcəyik”.