Hazırda Rusiyanın qanadlı və hipersəs raketlərinin ümumi ehtiyatı min ədəddən azdır.

Axar.az “Defense Express”ə istinadən xəbər verir ki, bu məlumat ABŞ kəşfiyyatının Konqres üçün hazırladığı hesabatda yer alır.

Məlumata görə, Rusiyanın uzaqmənzilli qanadlı raket ehtiyatı təxminən 300-600 ədəd təşkil edir. Hipersəs raketlərinin mövcud ehtiyatları 200-300 ədəd qiymətləndirilir.

Bundan əlavə, amerikalılar rusların 2035-ci ilə kimi nə qədər belə raket istehsal edə biləcəyi ilə bağlı proqnoz veriblər. Hesablamalara görə, on ildən sonra Rusiyada 5000-ə yaxın uzaqmənzilli qanadlı raket və 1000 hipersəs raketi və müxtəlif tipli döyüş başlıqları olacaq.