ABŞ və Avropanın yüksək rütbəli rəsmiləri və hərbi ekspertlər hesab edir ki, Rusiyanın Ukraynadakı hərbi gücü zəifləməyə başlayıb və Moskva gələn ilə qədər ciddi kadr və silah çatışmazlığı ilə üzləşə bilər.

Axar.az xəbər verir ki, bu barədə “Vaşinqton Post” nəşri məlumat yayıb.

“Onlar hesab edirlər ki, Moskvaya təzyiq etmək məqamı indi münaqişənin başlanğıcından bəri ən əlverişli vaxt ola bilər.

ABŞ Müdafiə Nazirlyinin Kəşfiyyat İdarəsinin hesabatına görə, danışıqlar yolu ilə həll və ya qətiyyətli Qərb yardımı olmadıqda, müharibə 2026-cı ilə qədər yavaş-yavaş Rusiyanın xeyrinə inkişaf etməyə davam edəcək. Bu hesabat 10 gün əvvəl qurumun direktoru Cefri Kruz tərəfindən Konqresə təqdim edilib. Bununla belə, Rusiyanın uğurları zəiflyir və buna böyük personal və texnika itkiləri hesabına nail olmaqla davam edir. ABŞ Müdafiə Nazirliyi bildirir ki, 2022-ci ilin fevralından bəri Rusiya 3000-dən çox tank, həmçinin 250-yə yaxın təyyarə və helikopter və 10-dan çox döyüş gəmisi də daxil olmaqla, ən azı 10 min döyüş maşını itirib”, - nəşr bildirib.