Cəbhədə döyüşlərin intensivliyinin yüksək olmasına baxmayaraq, Rusiya ordusunun zirehli texnika və artilleriya üzrə cari itkiləri müharibənin əvvəlindən bəri rekord dərəcədə aşağı səviyyəyə düşüb. Bu, Rusiya ordusunda silah çatışmazlığının artmasının göstəricisidir.

Axar.az xəbər verir ki, bu barədə X platformasında “Cyrus” təxəllüsü ilə çıxış edən açıq mənbələr üzrə analitik (OSINT) məlumat yayıb.

Rusiya tankları, BMP-ləri və zirehli transportyorlarının itkilərinə dair məlumatlar təhlil edilib.

Qeyd olunub ki, Rusiya texnikasının itkilərində azalma tendensiyası artıq bir neçə aydır davam edir, lakin may ayında bu statistika kəskin şəkildə enib.

Baxmayaraq ki, ay hələ başa çatmayıb və statistika hələ bəzi foto və video sübutları əhatə etmir (çünki bu cür məlumatlar adətən bir qədər gecikmə ilə daxil olur), Rusiya zirehli texnikasının itkilərində ciddi azalma artıq indi də açıq görünür.