“Tesla” və “SpaceX”in sahibi, amerikalı iş adamı İlon Mask ABŞ Prezidenti Donald Trampla arasında yaranmış gərginlikdən sonra “Amerika Partiyası” adlı yeni siyasi partiyanın yaradılması ideyasını ictimaiyyətlə bölüşüb.

Axar.az xəbər verir ki, o, bu barədə X sosial şəbəkə hesabında paylaşım edib.

“ABŞ-da həqiqətən 80 faizi təmsil edən yeni bir siyasi partiya yaratmağın vaxtı çatıbmı?” - deyə Mask X hesabında sorğu yerləşdirib.

Sorğuda iştirak edənlərin 80,4 faizi Maskın sualına “hə”, 19,6 faizi isə “yox” cavabını verib.

“Xalq danışdı. ABŞ-da 80 faizi təmsil edəcək yeni bir siyasi partiyaya ehtiyac var və insanların düz 80 faizi buna razıdır. Bu, qismətdir”, - Mask əlavə olaraq qeyd edib.