Tramp ilə Mask arasındakı münaqişə əsl dava deyil, strateji səhnələşdirmənin bir hissəsidir. Mask demokratlar və respublikaçılardan yorulmuş insanlara yönələn yeni siyasi güc ideyasını irəli sürür. Bu, onun öz partiyasını yaratmaq və ya özünün dəstəklədiyi namizədin irəli sürülməsi üçün hazırlıqdır.

Axar.az xəbər verir ki, bunu “İnsayder” Teleqram kanalı mənbələrinə istinadən yazıb.

Kanal qeyd edib ki, Trampla açıq mübahisə Maskın müstəqil kimi görünməsinə, Trampa isə böyük korporasiyalardan uzaqlaşaraq, "xalq adamı" obrazını qorumağa imkan verir. Əslində isə onlar eyni partiyada oynamağa davam edirlər, sadəcə fərqli auditoriyalar üçün:

“Demokratlar “Epştayn işi” vasitəsilə təzyiq göstərməyə çalışa bilərlər, amma Trampa qarşı heç bir sübut yoxdur — bu da tələdir. Onu qalmaqala cəlb etmək cəhdi öz təşəbbüskarlarına zərbə vuracaq.

Maskın həm partnyorları, həm də rəqibləri, xüsusilə Asiyada və fond bazarında, vəziyyəti izləyir və onun mövqeyini zəiflətməyə çalışırlar. Lakin mənbənin verdiyi məlumata görə, artıq 3-4 həftə ərzində Mask ABŞ hökumətinin alacağı süni intellekt, müdafiə və infrastruktur sahələrində texnoloji həllər təqdim edəcək. Bu, onun biznesini sabitləşdirməklə yanaşı, təsirini də gücləndirəcək. Münaqişənin mahiyyəti fikir ayrılıqlarında yox, incə siyasi oyundadır”.