İsrailin İrana hücumu nəticəsində azı beş nəfər mülki şəxs ölüb, 50 nəfər yaralanıb.

Axar.az xəbər verir ki, bu barədə İran mediası məlumat yayıb.

Qeyd olunur ki, həyatını itirən şəxslərin meyitləri Tehranda zədələnmiş binanın dağıntıları altından çıxarılıb.

İran mətbuatı İsrailin paytaxt Tehranda bir neçə binanı hədəfə aldığını yazıb.

Press TV İsrailin hücumu nəticəsində ölən və xəsarət alanlar arasında qadın və uşaqların olduğunu yazıb.

Qeyd edək ki, İsrail Hərbi Hava Qüvvələri bu gün səhər tezdən İranın nüvə və hərbi bazalarına zərbələr endirib. Zərbələr nəticəsində İranın Natanzdakı nüvə obyekti, Təbriz və digər şəhərlərdəki hərbi və raket bazaları vurulub, İran Silahlı Qüvvələrinin Baş Qərargah rəisi, general-leytenant Məhəmməd Bagiri, İslam İnqilabı Keşikçiləri Korpusunun komandiri Hüseyn Salami, SEPAH generalı Qulaməli Rəşid, nüvə alimləri Məhəmməd Mehdi Tehrançı və Firudin Abbasi öldürülüblər.