İsrailin İrana hava zərbələrindən sonra səhər saatlarından etibarən israillilər supermarketlərə axışıblar.

Axar.az xəbər ki, bu barədə İsrail mətbuatı məlumat yayıb.

“Carrefour” supermarketlər şəbəkəsinin məlumatına görə, səhərdən etibarən alıcıların sayı adi günlərlə müqayisədə 300 faiz artıb.

Əsas alınan mallar isə vacib ərzaq məhsulları, su, çörək, uşaq qidaları, gigiyenik məhsullar və batareyalardır.

Qeyd edək ki, İsrail Hərbi Hava Qüvvələri iyunun 13-də İranın nüvə və hərbi bazalarına zərbələr endirib. Zərbələr nəticəsində İranın Natanzdakı nüvə obyekti, Təbriz və digər şəhərlərdəki hərbi və raket bazaları vurulub, İran Silahlı Qüvvələrinin Baş Qərargah rəisi, general-leytenant Məhəmməd Bagiri, İslam İnqilabı Keşikçiləri Korpusunun komandiri Hüseyn Salami, SEPAH generalı Qulaməli Rəşid və məşhur nüvə alimləri öldürülüb.