Təbii ki, Rusiya İranla çoxillik dostluq münasibətləri olan ölkə kimi bu kritik dövrdə xüsusi mövqe tutur.

Axar.az xəbər verir ki, bunu İran Xarici İşlər Nazirliyinin sözçüsü İsmayıl Bəqai Tehranın İsrail və ABŞ-la münaqişə kontekstində Moskvadan gözləntiləri ilə bağlı mövqeyini şərh edərkən deyib.

O, Rusiyanın təkcə Birgə Hərtərəfli Fəaliyyət Planının iştirakçısı və BMT Təhlükəsizlik Şurasının üzvü deyil, həm də nüfuzlu qonşu dövlət olduğunu, buna görə də regional hadisələrin onun üçün böyük əhəmiyyət kəsb etdiyini vurğulayıb:

“İranın Rusiya ilə Strateji Tərəfdaşlıq Sazişi olan bir ölkə kimi Moskvadan həm çoxtərəfli səviyyədə, xüsusilə BMT Təhlükəsizlik Şurasında, həm də regional səviyyədə fəal rolu ilə bağlı aydın gözləntiləri var”.