Dürüst olsaq, İsrail İranla münaqişəni uduzdu. Dünən proqnozlaşdırdığım kimi, tərəflər atəşi dayandırmaq qərarına gəldi - İran simasını xilas etmək üçün hücumlara keçdi, ABŞ bu keçidi qəbul etdi.

Axar.az xəbər verir ki, bunu rusiyalı politoloq Aleksey Naumov deyib.

“İsrail bu kampaniyaya iki məqsədlə başlayıb: İranın nüvə proqramını aradan qaldırmaq və ölkədə rejim dəyişikliyinə nail olmaq. Bu məqsədlərin heç birinə nail olunmadı və Tehran müdafiə tərəfi kimi yalnız müqavimət göstərdi. Nüvə proqramının böyük hissəsi məhv edilsə belə, İran zənginləşdirilmiş uranı, texniki təcrübəsini, siyasi rejimini özündə saxlayır və siyasi iradə ilə onun nüvə proqramı ortamüddətli perspektivdə canlandırıla bilər. Üstəlik, İran görürdü ki, İsrail hər an zərbə endirə bilər və yalnız nüvə silahı təhlükəsizliyin zəmanətidir. Ölkə daxilində isə radikalların mövqeləri sözsüz ki, güclənib”, - o bildirib.

Qeyd edək ki, İranla İsrail arasında 12 günlük müharibədən sonra bu gün səhər atəşkəs razılığı əldə edilib.