16:54

İyulun 7-də Rusiya Federasiyası xarici işlər nazirinin müavini Mixail Qaluzin Ermənistan Respublikasının Rusiya Federasiyasındakı fövqəladə və səlahiyyətli səfiri Qurgen Arsenyanla görüş keçirib.

Axar.az xəbər verir ki, bu barədə Rusiya Xarici İşlər Nazirliyi məlumat yayıb.

“Söhbət zamanı diplomatik nümayəndəliyin rəhbərinə Ermənistanda Rusiya və ikitərəfli münasibətlər ətrafında konstruktiv informasiya fonunun saxlanmasının zəruriliyi barədə məlumat verilib. Bu kontekstdə Rusiya və Ermənistanın müvafiq idarələri arasında məsləhətləşmələrin növbəti raundunun keçirilməsi ilə bağlı Rusiyanın təklifi təsdiqlənib”, - məlumatda qeyd edilib.

Xatırladaq ki, bu gün Ermənistanın Rusiyadakı səfirinin XİN-ə çağırıldığı barədə məlumat yayılmışdı.