Rusiya və Ukrayna arasında İstanbulda baş tutan üçüncü raund asan keçməyib və sırf texniki xarakter daşımayıb, lakin heç kim də kəskin irəliləyişlər gözləmirdi.

Axar.az xəbər verir ki, bu sözləri Rusiya Dövlət Dumasının Beynəlxalq Əlaqələr Komitəsinin rəhbəri Leonid Slutski TASS-a açıqlamasında deyib.

"Rusiya-Ukrayna danışıqlarının üçüncü raundu gözlənildiyi kimi çətin keçdi və texniki xarakterli deyildi. Əvvəlcədən məlum idi ki, sülh sazişinin hazırlanması istiqamətində iş davam edəcək, lakin hər hansı ciddi irəliləyiş gözlənilmirdi. Rusiya danışıqlar heyətinin rəhbəri Vladimir Medinski də qeyd edib ki, tərəflərin mövqeləri hələ də bir-birindən uzaqdır, amma dialoq aparılır", – deyə Slutski vurğulayıb.

Komitə sədri həmçinin Rusiya tərəfinin siyasi, humanitar və hərbi məsələlər üzrə işçi qrupların yaradılması təklifini mühüm adlandırıb:

"Ümid edirik ki, Ukrayna tərəfindən bu təklifə müsbət reaksiya veriləcək".

Qeyd edək ki, İstanbulda danışıqlar həm üçtərəfli, həm də ikitərəfli formatda baş tutub.