İsrail ordusunun polkovnik-leytenantı və F-16 pilotu “Müharibə Zonası” proqramına verdiyi müsahibədə İran hədəflərinə qarşı həyata keçirilən hava əməliyyatlarının detallarından danışıb.

Axar.az xəbər verir ki, açıqlamanı "Avronyus" televiziyası yayıb.

Təhlükəsizlik səbəbilə adı açıqlanmayan pilot bildirib ki, əməliyyat zamanı F-16 və F-35 qırıcıları arasında yüksək səviyyəli koordinasiya təmin olunub. Onun sözlərinə görə, F-35-lər əsasən kəşfiyyat və istiqamətləndirmə funksiyalarını yerinə yetirib, F-16 ekipajlarına daxil ola bilmədikləri kritik məlumatları ötürüb.

“F-35 qırıcıları raket təhdidlərini qabaqcadan aşkar edən texnologiyalara sahibdir. Onlar bizə deyə bilər ki, hansı tip raketlə üz-üzə qala bilərsiniz. Bu isə əməliyyatların uğurla başa çatmasına ciddi təsir edir”, – deyə pilot qeyd edib.

O əlavə edib ki, bütün əməliyyatlar ərzində İsrail qırıcılarına qarşı bir dənə də olsun zenit raketi atılmayıb.