Eqoizm şəxsin öz davranışında yalnız özünün mənafeyini əsas tutması, cəmiyyətin və ətrafdakıların mənafeyi ilə hesablaşmamasıdır.

Axar.az xəbər verir ki, eqoizmdən xilas olmaq üçün şəxs “mən” deməkdən imtina etməli, onu “sən” sözü ilə əvəzləməlidir.

Eqoizm nədən yaranır?

Eqoizmin yaranmasına əsas səbəb cəmiyyətdir. Cəmiyyətdəki insanlar şəxsi davamlı olaraq öyərək bu problemə yol açır.

Eqoist insanlar necə davranır?

Belə insanlar qürurlu, əsəbi, kinli olmaqla yanaşı, özlərini digərlərindən üstün mövqedə görürlər. Özləri üçün yaratdıqları mərkəzi “mən” olan dünyalarında heç kimə yer verməzlər. Həmçinin, özlərini hər zaman daha yaxşılarına layiq görərlər.

Eqoizmin 3 növü var: Psixoloji eqozim, əxlaqi eqoizm və rasional eqoizm.

Dahilərin eqoizmlə bağlı dediyi bir neçə aforizmi təqdim edirik:

Mövlanə: “Xəzinəni tapmaq üçün bütün dünyanı gəzirsən. Halbuki əsas xəzinə öz içində gizlidir”.

Alfred de Vigni: “Dildə deyilməsi və yerində istifadə edilməsi çox çətin olan söz “mən” kəliməsidir”.

Paskal: “Mənlik nifrət ediləcək bir şeydir”.

Aleksandr Vinet: “Həyatın həqiqi sərvətini söhbət, kasıblığın da mənlik təşkil edir”.

Mövlanə: “Vəzifən sevgini axtarmaq deyil, əsil vəzifən sevgiyə qarşı öz içində əmələ gələn bütün əngəlləri axtarmaq və tapmaqdır”.