Yuxarı

Uşaqlar idmanla neçə yaşında məşğul olmalıdır? - Həkim

Ana səhifə Sağlıq
12 Punto 14 Punto 16 Punto 18 Punto

Son illər ölkədə valideynlər tərəfindən uşaqların müxtəlif idman növlərinə qoyulması halları artıb. Ölkədə idmana dövlət səviyyəsində qayğı göztərilməsi ailələri buna daha da həvəsləndirir. Lakin bəzən uşağın yaşı nəzərə alınmadan və onun fiziki göstəricilərinə uyğun olmadan seçilən idman uşağa xeyirdən çox ziyan vermiş olur. Bu da hələ sümüklərin inkişaf mərhələsində olduğu bir yaşda uşaqda qalıcı fiziki qüsura və daha ağır problemlərə səbəb ola bilir.

Maraqlıdır, uşaqların idmanla məşğul olmaq üçün ən ideal yaş dövrü hansıdır?

Bu barədə Axar.az-a danışan pediatr Altay Abdullaoğlu bildirib ki, valideynlər uşaqları yaş qruplarına və sağlamlıq vəziyyətlərinə uyğun olan idman növünə yönəltməlidirlər:

“İdman uşaqların həyatında çox önəmli məşğuliyyətlərdəndir. İdmanla məşğul olmaq uşaqların özgüvənlərini artırır, fiziki və ruhi inkişafına, sosial fəallığına çox faydalı təsir edir. Piylənmə də daxil olmaqla, bir çox xəstəliklərin əmələ gəlməsinin qarşısını alır.

Valideynlərin uşaqları yaş qruplarına və sağlamlıq vəziyyətlərinə uyğun olan idman növünə yönəltməsi vacibdir. Çünki uşaqlıq dövründə sümüklər, ürək əzələsi tam formalaşmır. Uşaqlıq dövründə edilən idmanlara ümumi inkişafetdirici hərəkətlər, rəqs, yeriş, qaçış və s aiddir.

Məsələn, 2-3 yaşı olan uşaqlar gimnastika, rəqs, qaçışla məşğul ola, nəzarət altında üzə bilərlər. Ancaq daha ağır, yorucu və riskli idmanlar həmin yaş üçün təhlükəlidir”.

Pediatr bildirib ki, 4 yaşdan yuxarı uşaqları velosiped sürmək, üzgüçülük, rəqs, nisbətən yuxarı yaşlarda, 8 və 9 yaşlarında isə voleybol, basketbol, tennis, üzgüçük kimi idman növlərinə istiqamətləndirmək olar:

“Lakin bu yaş göstəriciləri sadəcə göstərişdir. Təbii ki, uşaqları istənilən yaşda idmana yönəltmək olar. Sadəcə bu yaşlar arzuolunan və ideal vaxtlardır. Uşaqda hər hansısa fiziki qüsurun qalmaması, sümüklərinin kövrəkləşməməsi üçün bu yaş senzinə diqqət edilməlidir”.

Həkim bildirib ki, müasir dövrün uşaqlarını idmana yönəltmk isə mütləq və vacibdir. Çünki kompüter əsrinin uşaqları daha çox hərəkətsiz həyat keçirdiklərindən, idmana vaxt ayırmaq onların inkişafına daha yaxşı təsir edəcək:

“Hərəkətsiz yaşam, düzgün olmayan qidalanma, saatlarla televizorun qarşısında vaxt keçirtmək uşaqlarda bir sıra xroniki xəstəliklərin təməlini qoyur. Düzgün verilən fiziki tərbiyə, idmana ayrılan zaman uşaq və yeniyetmələrin hərtərəfli inkişafında öz müsbət təsirini göstərəcək”.

Tarix
2018.12.01 / 13:17
Müəllif
Nigar İxtiyarqızı
Şərhlər
Digər xəbərlər

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla