Bu gün Vətəndaş Həmrəyliyi Partiyası Ali Məclisinin növbəti sessiyası keçirilib.

Axar.az xəbər verir ki, bu barədə VHP Mərkəzi İcra Aparatının rəhbəri Samir Əsədli məlumat verib.

Sessiyanı giriş sözü ilə VHP sədri, xalq şairi Sabir Rüstəmxanlı açıb. Azərbaycanın ərazi bütövlüyü uğrunda canından keçmiş şəhidlərin xatirəsi bir dəqiqəlik sükutla yad edilib.

Ölkədəki ictimai-siyasi vəziyyət və partiyanın qarşısında duran vəzifələrlə bağlı məruzə edən S.Rüstəmxanlı VHP-nin keçdiyi uğurlu yola nəzər salaraq, bu gün “vətəndaş həmrəyliyi” ideyasının Azərbaycan üçün 33 il əvvəlki qədər önəmli olduğunu vurğulayıb.

Sabir Rüstəmxanlı qeyd edib ki, VHP bu gün ana müxalifət mövqeyində ölkənin milli birliyi üçün çalışır.

Təşkilati məsələlər çərçivəsində VHP Ali Məclisinin sonuncu sədri Felmar bəyin xatirəsi ehtiramla yad edilib.

Ali Məclis sədrliyinə Yusif Salmansoyun namizədliyi irəli sürülüb və əksəriyyətin lehinə səsvermə ilə o, VHP Ali Məclisinin sədri seçilib.

Cari məsələlərin müzakirəsi ilə Ali Məclis işini yekunlaşdırıb.