Yuxarı

Trampın Əliyevə hədiyyəsində möhtəşəm detal

Ana səhifə Siyasət
12 Punto 14 Punto 16 Punto 18 Punto
Trampın Əliyevə hədiyyəsində möhtəşəm detal

ABŞ Prezidenti Donald Tramp Prezident İlham Əliyevə xatirə hədiyyəsi kimi qeydi ilə birlikdə Azadlığa Dəstək Aktının 907-ci maddəsi üzrə istisnanın uzadılmasına dair memorandumu göndərib.

Azərbaycan Prezidenti bu addımına görə Trampa minnərdarlığını bildirib və onun nəzakətli jestini yüksək qiymətləndirdiyini söyləyib.

Axar.az xəbər verir ki, Globalinfo.az-a danışan siyasi şərhçi Asif Nərimanlı deyib ki, Trampın Azadlığa Dəstək Aktına 907-ci düzəlişin dayandırılması müddətinin uzadılması barədə memorandumu şəxsi qeydi və imzası ilə birlikdə Prezident İlham Əliyevə xatirə hədiyyəsi olaraq göndərməsi Vaşinqtonun Bakı ilə münasibətlərin inkişaf xəttinə sadiq olduğu mesajının verilməsi kimi qəbul oluna bilər:

“Əvvəlcə onu qeyd edim ki, Trampın bu hədiyyəni məhz indi – ABŞ dövlət katibi Mark Rubionun Ermənistan səfərindən sonra göndərməsi təsadüfi deyil. Adətən amerikalı rəsmilərin səfərləri regional xarakter daşıyır, dövlət katibi isə yalnız Ermənistana səfər etdi və bunun seçkidən öncə həyata keçirilməsi baş nazir Nikol Paşinyana dəstək, o cümlədən, İrəvanla münasibətlərin davam etdirilməsi marağının nümayişi idi.

Tramp Rubionun səfərindən sonra Əliyevə xatirə hədiyyəsi göndərməklə həm balansı təmin edir, həm də Bakı ilə münasibətlərin Vaşinqton üçün əhəmiyyətini göstərir. Bunu məhz 907-ci düzəlişlə bağlı etməsi də hesablanmış addımdır. Çünki Bakı-Vaşinqton xəttində bu düzəliş daim problemli məsələ olub, Tramp düzəlişi donduraraq, münasibətlərdə yeni mərhələ açdı. Bakıya göndərdiyi hədiyyə ilə də 907-ci düzəlişlə bağlı mövqeyinin dəyişmədiyini sərgiləyir.

Fikrimcə, Tramp Administrasiyasının regional siyasəti, xüsusilə Azərbaycanla münasibətlərə olan maraqları nəhayət 907-ci düzəlişin tamamilə ləğvi məsələsini aktuallaşdıra bilər. Bununla bağlı qərar Konqresdə verilir, hətta müsbət qərar verilməsə belə, bu düzəlişin tamamilə ləğvinin gündəmə gətirilməsi ciddi hadisə olar”.

Tarix
2026.06.01 / 19:31
Müəllif
Axar.az
Digər xəbərlər

İlham Əliyev Mixail Kavelaşviliyə başsağlığı verdi

İlham Əliyev və To Lam Birgə Bəyanat qəbul etdilər

İlham Əliyevin To Lam ilə geniş tərkibdə görüşü oldu

Prezidentin Hanoyda rəsmi qarşılanma mərasimi oldu

Abbaszadənin gedişi DİM-də nələri dəyişəcək?

Vüsal Nəsirli zənglərimə cavab vermir - Deputat

BDU-nun işdən çıxarılan prorektoru kimdir?

Prezidentin hesablarında Vyetnam səfəri ilə bağlı - Videoçarx

Əli Əsədov Kobaxidzeyə başsağlığı verdi

Bakı dünya güclərini üstələyə bilər – Belyayev

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla