Ana səhifə Siyasət |
Təsəvvür edin ki, işğal edilmiş ərazilərdə nə qədər təbii ehtiyatlar var: Kəlbəcərin qızıl ehtiyatı, eyni zamanda müxtəlif kommunikasiyaların yaradılması, İranda olan sərhəd ərazisindən daşınmaların keçirilməsi və s.
Axar.az xəbər verir ki, bu sözləri millət vəkili Arzu Nağıyev deyib.
Onun sözlərinə görə, torpaqlarımız işğaldan azad edildikdən sonra yeni inkişaf mərhələsi başlayacaq:
“Həmçinin böyük turizm kompleksləri, turizm şirkətlərinin Azərbaycana cəlb olunması istiqamətində müvafiq addımlar atıla bilər. Təbii sərvətləri də unutmaq olmaz. Biz böyük meqalayihələrdə iştirak edirik. Bu layihələrə xarici investorların cəlb olunması da çox mühüm olacaq. Aydındır ki, burada söhbət daha çox iqtisadi problemlərin həllindən gedir. Təsəvvür edin ki, regionda böyük bir ərazi işğal altında qalıb, heç bir istifadə olmayıb, hər hansı bir infrastrukturun inkişafına imkan verilməyib. İndi bunların inkişafı Azərbaycan iqtisadiyyatına, regiona çox mühüm töhfələr verə bilər.
Xankəndidə olan aerodromdan istifadə etməyi də unutmaq olmaz. Təkcə Sərsəng su anbarının azad edilməsinin və ondan istifadənin kənd təsərrüfatının daha da inkişaf etməsinə necə təsirinin olacağını təxmin etmək mümkündür. Yəni söhbət hərtərəfli inkişafdan gedir”.
Tarix
2020.10.16 / 17:24
|
Müəllif
Gülnarə Kazımova
|