Axar.az
Yuxarı

Axar.Az Logo

Paşayeva hesabat verdi: deputatlar müzakirə apardı

Ana səhifə Siyasət
12 Punto 14 Punto 16 Punto 18 Punto

Yanvarın 26-da Milli Məclisin Mədəniyyət komitəsinin 2021-ci ilin yaz sessiyasında onlayn formatda ilk iclası keçirilib.

Axar.az xəbər verir ki, iclası açan komitə sədri Qənirə Paşayeva 2020-ci ilin payız sessiyası ərzində komitədə görülən işlərin hesabatını təqdim edib. Qeyd edilib ki, hesabat dövründə komitənin 2 iclası keçirilib, 3 məsələ müzakirə edilib ki, onlardan ən vacibi “Azərbaycan folkloru nümunələrinin hüquqi qorunması haqqında” Qanuna edilən dəyişikliklərdir.

Komitə sədri hesabat dövründə komitədə görülən işlərlə bağlı geniş məlumat verib, millət vəkillərinin ölkə gündəmində baş verən hadisələrə, işğaldan azad olunmuş ərazilərimizdə, vaxtilə Ermənistan siyasi-hərbi rəhbərliyinin göstəriş və iştirakı ilə məhv edilmiş mədəniyyət abidələrimiz, maddi-mənəvi irsimiz barədə həqiqətlərin dünya ictimaiyyətinə çatdırılmasında fəal mövqelərini yüksək dəyərləndirib. Bildirib ki, Vətən müharibəsi zamanı dəfələrlə belə faktlarla bağlı millət vəkilləri tərəfindən nüfuzlu beynəlxalq təşkilatlara, o cümlədən UNESKO-ya müraciətlər ünvanlanıb.

Qənirə Paşayeva payız sessiyası dövründə komitənin ünvanına daxil olmuş 1389 məktub, təklif, ərizə və şikayətin 1145-nin araşdırılmaq üçün müvafiq təşkilatlara göndərildiyini, yaradıcı təşkilatlardan və insanlardan alınan 200-ə qədər məktubun komitədə araşdırıldığını, onlardan bir çoxunun artıq öz müsbət həllini tapdığını diqqətə çatdırıb.

Hesabat məqbul hesab edildikdən sonra onlayn iclasda Mədəniyyət Komitəsinin 2021-ci il yaz sessiyasının qanunvericilik işləri planı müzakirə edilib. Qeyd olunub ki, qarşıdakı sessiyada komitədə “Azərbaycan muğam sənətinin qorunması və inkişaf etdirilməsi haqqında” qanun layihəsi və digər vacib sənədlər üzərində iş davam etdiriləcək.

Qənirə Paşayeva bildirib ki, işğaldan azad edilən Şuşa şəhərinin Prezident İlham Əliyev tərəfindən Azərbaycanın Mədəniyyət Paytaxtı elan edilməsi, Şuşada cari ilin may-iyun aylarında “Xarı bülbül” Muğam Festivalının və payız aylarında Molla Pənah Vaqif Poeziya günlərinin keçirilməsinin planlaşdırılması və 2021-ci ilin “Nizami ili” elan edilməsi ilə bağlı mühüm tədbirlər görülür. Komitə sədri bu tədbirlərin, müvafiq layihələrin icrası ilə bağlı Mədəniyyət Komitəsinin üzərinə düşən vəzifələrdən söhbət açıb.

Sonra komitənin iş planı təsdiqlənib.

Onlayn toplantıda “Azərbaycan Respublikası ilə Türkiyə Respublikası arasında media sahəsində strateji əməkdaşlıq haqqında” Anlaşma Memorandumunun təsdiq edilməsi barədə qanun layihəsinə baxılıb. Bu sənədin qardaş ölkə ilə ortaq media platformasının yaradılması və mətbuat sahəsində qarşılıqlı əməkdaşlıq baxımından çox önəmli olacağı vurğulanıb.

Sonra komitə üzvləri “Müəlliflik hüququ və əlaqəli hüquqlar haqqında” Qanunda dəyişiklik edilməsi barədə qanun layihəsini birinci oxunuşda müzakirə ediblər.

Komitə üzvləri Sabir Rüstəmxanlı, Nizami Cəfərov, Fazil Mustafa, Cavanşir Feyziyev, Əziz Ələkbərli, Ülviyyə Ağayeva, Ülviyyə Həmzəyeva, Mixail Zabelin müzakirə edilən məsələlərlə bağlı fikirlərini bildirib, kino və teatr sənətinin, rəssamlığın inkişafı, yaradıcı insanlara diqqətin artırılması ilə bağlı təkliflərini səsləndiriblər.

Hər iki sənəd Milli Məclisin plenar iclasında müzakirəyə tövsiyə edilib.

Tarix
2021.01.26 / 21:43
Müəllif
Axar.az
Şərhlər
Digər xəbərlər

Xarici diplomatlar Qubadlıdadır - Foto

Şükürlər olsun ki, Qarabağla bağlı... - Ərdoğan

İqtisadi Şura maliyyə sabitliyi ilə bağlı qərarlar qəbul etdi

Bayramov özbəkistanlı həmkarı ilə danışdı

Diplomatlar Füzuli rayonunun Merdinli kəndində - Foto

ABŞ-ın Rusiyaya qarşı planında Paşinyan... - Oqtay

Bu yubileyi Zəfər çalmış xalq kimi qeyd edəcəyik - Prezident

Prezidentin təltif etdiyi Nağıyev kimdir?

İlham Əliyev 1 fərman, 1 sərəncam imzaladı

Bu nəsil torpaqlarımızı azad etdi – İlham Əliyev

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla